Hoêraa o te mau maru metia Ioane 4,1-42 2015

Ioane 4, 1-42

NO TE PARAURAA A TE METIA RÄUA O TE

VAHINE TÄMÄRIA RA.

E ìte aè ra te Fatu e, ua faaìtehia te mau Färitea e, e rahi ta Ietu e faariro ei pipi e ta na e päpetito ra i ta Ioane, 2. (aita rä Ietu iho i päpetito, na ta na mau pipi rä,) 3. faaruè iho ra

ò ia i Iütea, hoì faahou atu ra i Tarirea. 4. E e na Tämäria òia i te haere e tià ai. 5. E tae atu ra o ia i te hoê òire i Tämäria, o Titara te iòa, tei pïhaì iho i te maa fenua a Iatöpa i höroà atu no ta na tämaïti ra no Iotefa. 6. Tei reira te âpoo päpe a Iatöpa ra ; e rohirohi aè ra Ietu i te haereà, pärahi iho ra i te hiti i taua âpoo pape ra : ua tae i te ono o te hora ra.7. Ua haere mai ra te hoê vahine Tämäria e huti i te pape ; ua parau atu ra Ietu ia na, Hö mai na e ïnu. 8. (Ua reva atu ra hoì ta na mau pipi i roto i te òire e hoo i te mäa.) 9. Ua parau mai ra taua vahine Tämäria ra ia na, E aha òe te âti-Iuta na i ani mai ai ia ù, i te vahine Tämäria nei, i te pape ?

èita hoì te âti-Iuta e au maitaì atu i to Tämäria. 10. Ua parau atu ra Ietu ia na, nä ô atu ra, Ahiri òe i ìte na i ta te Atua i höroà mai ra, e tei parau atu ia òe na e, Hö mai na e ïnu, ua

äni mai ia òe ia na, e ua höroà o ia i te pape ora no òe. 11. Ua parau mai ra taua vahine ra ia na, E te Fatu, aita a òe pätete, e âpoo hohonu teie, ei hea ta òe pape ora e noaa ai ? 12. E rahi änei òe ia Iatöpa i to mätou metua ra, o tei höroà mai na mätou i teie nei âpoo pape, e ua ïnu ò ia iho, e ta na mau tamarii, e te mau puaa ? 13. Ua parau atu ra Ietu ia na, nä ô atu ra, O të ïnu i tenä na pape, e poìhä faahou ä ia ; 14 âreà të ïnu i te pape e höroàhia atu e au nei, e òre roa ia o ia e poìhä faahou, e riro rä taua pape e höroàhia atu e au na na ra, èi päpe pïhaa i roto ia na iho, e tià i te pïhaaraa e tae noa atu i te ora mure òre ra. 15. Ua parau mai ra taua vahine ra ia na, E te Fatu, hö mai na i taua pape ra na ù, ia òre roa vau ia poìhä faahou, e ia òre hoì ia haere mai i ô nei e huti. 16. Ua parau atu ra Ietu ia na, A haere, a tii i to täne, e a hoì mai

ai. 17. Ua parau mai ra taua vahine ra, nä ô mai ra, Aita a ù täne. Ua parau atu ra Ietu ia na, E parau-tià, ia òe i parau mai nei e, Aita a ù täne. 18. A toopae aè nei hoì a òe täne ; e tenä

na ta òe e taòto na, eere ia i te täne na òe : e parau mau ta òe i parau mai nei. 19. Ua parau mai ra taua vahine ra ia na, E te Fatu, e perofeta òe nei, te ìte nei au. 20. I haamori na hoì to mätou hui metua i nià i teie nei mouà ; e te parau nei òutou, tei Ierutarema te vähi e tià ai ia haamori te taata. 21. Ua parau atu ra Ietu ia na, A faaroo mai na, e teie nei vahine, ua fätata te hora e òre e tae mai ai òutou i teie nei mouà, e e òre hoì e haere i Ierutarema, haamori ai i te Metua. 22. Aore òutou i ìte i ta òutou e haamori nei, ua ìte mätou i ta mätou e haamori nei, no te âti-Iuta mai te ora. 23. Ua fätata rä, e teie nei hoì taua hora, e haamori ai i te Metua te feiä

haamori mau ra, mä te värua e te parau mau : o te huru ia o te feiä haamori ta te Metua e tïtau nei. 24. E Värua te Atua, e te feiä e haamori ia na ra, e haamori ia mä te värua e te parau mau e tià ai. 25. Ua parau mai ra taua vahine ra ia na, “Te Puta Hepetoma Pure 2015” te au e, te haere mai na te Metia (o të Faatähinuhia ra ia,) e ia tae mai o ia ra, na na ia e faaìte mai ia mätou i te mau parau atoà ra. 26. Ua parau atu ra Ietu ia na, O vau ia e parau atu ia òe na.

27. I reira te täeraa mai ta na mau pipi, e maere noa iho ra, ò ia i paraparau atu i taua vahine ra ; aita rä te hoê i parau atu e, E aha ta òe e ui na ? e, E aha òe i paraparau atu ai ia na ? 28. Vaiiho iho ra taua vahine ra i ta na färii pape, haere atu ra i roto i te òire, ua parau atu ra i te taata, 29. Mai haere na, e hiò i te taata i faaìte mai ia ù i ta ù mau peu atoà nei, eere änei terä aè te Metia ? 30. Haere atu ra rätou ia na ra, mai roto mai i te òire ra. 31. Ua parau na ta na mau pipi ia na, nä ô atu ra, E Rapi, a àmu. 32. Ua parau mai ra ò ia ia rätou, E mäa ta ù ia àmu aita òutou i ìte. 33. Ua parau iho ra te mau pipi rätou rätou iho, I hopoi mai änei te taata i te mäa na na ? 34. Ua parau mai ra Ietu ia rätou, Teie ta ù mäa, o te haapaò i to na hinaaro o to tei tono mai ia ù nei, e të faaoti i ta na òhipa. 35. Eere te parau nei òutou, E maha maräma toe e àuhune ai ? ìnaha, e parau atu vau ia òutou, E faateitei i to òutou mata, e hiò i te mau âua ra, ua teatea ia i teie nei ua àuhune. 36. E te taata e ôoti ra, e utuà ta na, e ua haaputu i te maitaì no te ora mure òre ra ; ia òaòa âpipiti, o të ueue, e o të ôoti. 37. Ua tupu iho nei hoì te mäa parau ra e, Na te hoê e ueue, e na te tahi ê e ôoti. 38. E tono vau ia òutou ei ôoti i tei òre i

òhipahia e òutou na ; na vëtahi ê i òhipa, e te faaö atu nei òutou i roto i ta rätou òhipa 39. E räve rahi mai ra i taua òire ra to Tämäria i faaroo ia na i te parau a te vahine i parau atu ra e, Ua faaìte mai ò ia ia ù i te mau peu atoà na ù nei. 40. E tae mai ra to Tämäria ia na ra, ua täpeà mai ra rätou ia na e pärahi i ô rätou ra, ua pärahi iho ra o ia i reira ia piti ruì. 41. E räve rahi hoì tei faaroo i ta na iho parau. 42. Ua parau aè ra rätou i taua vahine ra, Eere atu ra i to te parau ta òe i parau mai ra i faaroo ai mätou, ìte hua aè nei mätou ia na iho ; ua ìte atu ra mätou e, o te Ora mau teie o to te ao, o te Metia.